ՆԱՏՕ-Ն ՂՐԻՄԻ ՍԱՀՄԱՆ Է ՈՒՂԱՐԿՈՒՄ 37 ՀԱԶԱՐ ԶԻՆԾԱՌԱՅՈՂ

Ուկրաինայում, Ղրիմին սահմանակից տարածքում, ՆԱՏՕ-ի 37,000 զինծառայող է տեղակայված:

Հյուսիսատլանտյան դաշինքի զորամիավորումում շուրջ 20 հազար մարդ ներկայացնում է Միացյալ Նահանգները, մնացած 17 հազարը՝ ՆԱՏՕ-ի անդամ այլ երկրներ: Ըստ որոշ հաղորդագրությունների, այս կերպ Ուկրաինան պատրաստվում է մեծացնել լարվածությունը Ռուսաստանի սահմանին:

Հաղորդվում է, որ Ռուսաստանի և Ուկրաինայի դիմակայության զարգացման հետ մեկտեղ, Ղրիմը կդառնա «ՆԱՏՕ-ի առաջին թիրախը» Ռուսաստանի սահմանը հատելու դեպքում:

Փորձագետները հիշեցնում են, որ ՆԱՏՕ-ն «Defender Europe 2021» զորավարժությունների շրջանակներում պաշտոնապես նշանակալից զորամիավորում է տեղադրում, ուստի տարածաշրջանում բանակի մշտական ​​ներկայության մասին խոսք չկա:

Իր հերթին, Ռուսաստանը նույնպես իր զորակազմը տեղափոխում է թերակղզի, ինչի կապակցությամբ փորձագետները ակնկալում են, որ Մոսկվան կհայտարարի Ղրիմում սեփական զորավարժությունների մասին:

Սակայն հնարավոր է, որ ՆԱՏՕ-ի հետ համատեղ զորավարժությունների շրջանակներում Ուկրաինան կարող է սկսել հարձակվել Դոնբասի վրա:

Ռուսական մամուլ